馬浚偉執教鞭擴展補習王國
馬浚偉昨日以校監身份，出席有份投資的第三間補習社開幕禮。他透露家人亦會參與，其姊妹會擔任導師，自己亦有意於暑假執教鞭，開辦演戲及唱歌興趣班。銳意發展教學課程的他，表示學校目前已累積過千名學生，預計今年底至明年初將再多開兩間分校：「我哋會做好新界區先，主要針對國際學校嘅學生，佢哋對呢方面需求好大。」
拍劇積勞成疾
談到他於社交平台表示受肩膊傷患困擾，馬浚偉指早於6月在橫店拍攝無綫劇集《宮心計2深宮計》時，已開始肩背不適，加上以往拍打戲曾受傷卻未有多加理會，積勞成疾：「有人話我可能風濕，搞到我好驚，因為呢樣嘢同年紀扯上關係，但我都唔係咁大啫！點知中醫幫我刮痧同拔罐，話我身體嘅濕氣好重！」此外，他昨日邀請胡定欣接受其電台節目訪問，更為本月9日生日的定欣準備驚喜，送蛋糕兼送吻！
文：影視組