MC Jin憶復出受挫諗過收山

化身「Hip Hop Man」的歐陽靖(MC Jin)參與內地節目後,帶起一股Hip Hop熱潮,東山再起!他重提當年為家人在事業高峰期暫時離開香港一事,坦言事後確實陷入工作低潮,更想過放棄!他又揚言日後若有好的發展,會擔起頭家!

現年35歲的饒舌歌手歐陽靖(MC Jin)參加內地節目《中國有嘻哈》後爆紅,並宣布會在內地舉行巡唱。他接受本報訪問時重提當年回港發展音樂事業兼在無綫拍劇,但因太太誕下兒子「小老闆」,他在事業高峰期之際選擇返美國陪伴家人,令工作沉寂一段時間。憶起當時的工作,MC Jin直言覺得已超出預期,自言想法簡單,故沒有覺得半點可惜:「香港就係大量工作,基本上都冇自己嘅世界,同親人嘅關係都疏離咗,我都承認忽略咗呢方面,因為不停工作。」

感恩歌迷不離不棄

MC Jin透露2012年返美國後曾推出兩張唱片,雖然有工開,但無可否認跟香港有差別。問到那段時間可有受過挫折?他直言經常都會有迷失的時候:「嗰幾年喺美國唔係做得好成功,但都叫能夠維持音樂發展同生活,同時都有班支持自己好耐嘅歌迷,已經好滿意同感恩。」他又指入行以來最低潮,是返美後在2014年推出唱片《XIV:LIX》:「其實都係想靠隻碟東山再起,但反應比預期差,真係諗過放棄!」幸好參加《中國有嘻哈》後,有很多人重新留意其舊作,令他感到欣慰。

談到現時要做「空中飛人」,可會欠缺時間跟家人相處?MC Jin直言需要調節,幸好可以經常跟妻兒以視像方式見面,笑言下次去工作都考慮帶家人同行。以家庭行先的他坦言若日後有好的發展,會叫家人搬回香港:「如果有日豬籠入水,我會好願意養起所有家人,一路堅持落去都係因為屋企人。」

文:音樂組

攝:黎志輝

場地:The Patio,都會海逸酒店