鄧紫棋瘦過蠟像

歌手鄧紫棋（G.E.M.）昨日身穿藍色半開胸裙為其蠟像的新造型進行揭幕禮，她表示蠟像的紅裙新造型是她巡唱的開場服，現時她較三年前度身打造的蠟像瘦，因為冇了Baby Fat，面部較瘦。9月中G.E.M.將假紅館開騷，坦言不會靠節食減肥，上月生日期間更放縱了好幾日：「我冇肥到，反而瘦咗，淨係食咗幾啖生日蛋糕。（男友Mark Ngai係咪送紅玫瑰畀你？）邊個送就唔講啦，大家可以估吓。（佢買紅酒上你屋企？）私人嘢唔講太多喇！」