李克勤換舞姿 紅館滿場飛

歌手李克勤一連九場的紅館騷《李克勤慶祝成立30周年演唱會》昨晚開鑼，太太盧淑儀、克勤父母、老闆楊受成夫婦、任達華、狄波拉、溥儀眼鏡老闆邱子傑及邱李茂琪、容祖兒媽咪、英皇師妹鍾舒漫、陳凱彤等人捧場。約八時半身穿黑色西裝的克勤亮相，跳唱改編版《舊歡如夢》，期間被幾個男Dancers托起，唱第二首歌《In The City》時舞台升至3米高，扣上腰帶的克勤即化身「空中飛人」，做出向前傾斜45度的動作，又向兩邊飛來飛去，並在空中自轉約十圈，現場爆出熱烈的掌聲！

出道早輩分高

克勤打過招呼後說：「30年聽起嚟好似好巴閉、輩分好高，但有冇諗過其實呢個歌手可能只係入行早，諗吓如果Celine（小巨肺譚芷昀）開30周年演唱會，佢都只係30幾歲。」全場即大笑！之後克勤又說：「每個歌手開騷都會面對一些估計唔到嘅困難，例如會打風，我今次就好好彩，遇到好大嘅困難係搭唔切台，個台係今日下晝兩點先搭起。」

克勤在台上做出向前傾斜45度的動作。

李克勤在3米台上「飛天」，點會唔緊張！

盧淑儀留言打氣

騷前傍晚約六時許，克勤在紅館後台拜神，歌迷冒雨支持，開頭克勤無甚笑容，後來才變得較為輕鬆。而場外有紀念品售賣，包括郵票、T恤、CD等，其中全球限量紀念郵票只得500套，T恤亦特設童裝Size。此外，盧淑儀亦在社交網上載一張身穿背心的自拍黑白照為老公打氣。

「克勤嫂」盧淑儀睇得好肉緊。

楊受成夫婦（右起）、任達華及鍾舒漫（左）捧場。

文：音樂組

攝：司徒國榮