汪明荃晚晚畀甜頭羅家英：佢「神神哋」！
汪明荃在紅館演唱會上，跟擔任個唱司儀的老公羅家英公然耍花槍，男方指「神神哋」的太太是其「最重要的寶物」。汪明荃則爆患糖尿病的老公不節制飲食，羅家英卻指太太晚晚請食雪糕，十足鬥氣冤家！
一連兩場的《汪明荃50周年The Timeless Concert 2017》前晚開鑼，昨日70歲生日的汪明荃（Liza）在首場換了10個造型，粵劇扮相的她與駙馬裝的男舞蹈員做出不少高難度動作如向後拗腰及燕式平衡等，更與對方看似互咀的面貼面，引起全場尖叫！
席上又播放她與羅家英的問答短片，視太太為最重要寶物的男方形容二人關係是「魚水和諧」、「婦唱夫隨」，Liza則讚對方有粵劇才華、老實又顧家，但問到雙方喜好，兩人卻頻頻答錯。羅家英自言很少激嬲Liza：「只係唔沖涼、唔黐家同孤寒。」Liza大爆他飲食任性及有輕微糖尿，羅家英即反駁說：「但佢每晚都畀杯雪糕我食！」Liza解釋對方需要一點甜。
讚造型有創意
演唱會監製趙增熹連同大鋼琴現身時，坦言本來不太喜歡Liza的唱腔，但欣賞她愛作新嘗試。其後Liza唱《自由女神》後，羅家英再放笑彈：「佢係我嘅女神，『神神哋』呀！神出鬼沒，冇人諗到佢諗嘅嘢，佢嘅造型好多神來之筆。」螢幕隨即播出多張Liza過往的造型照，羅家英指她可以擺很多裝飾在頭上，例如羽毛及扇等，甚具創意：「佢仲扮過我光頭Look，我最鍾意佢擺隻鷹上頭，證明我唔只喺佢個心，仲喺佢個頭。」其後Liza以勁歌熱舞唱出《熱咖啡》等快歌Medley，強調愈做愈精神。尾聲時她落台後又再次上台，直言不捨得離開紅館，感謝香港給自己很多機會和愛：「我知道我啲歌好多人話係汪明荃Style，我好努力，希望大家都一樣，唔好覺得自己渺小，要盡晒全力去做。」
文：音樂組