大方晒婚戒 盧凱彤：好Cheap咋

盧凱彤（Ellen）前晚與林二汶「合體」以組合at17出席黑暗中獻唱音樂會，她們年底將會開騷。早前Ellen在台灣宣布出櫃兼自爆與台灣攝影師余靜萍（小余）結婚，Ellen聽到記者以「人哋老公」恭喜她時說：「人妻呀，兩個都係女仔，都係太太。」澳門近日受強颱風影響，Ellen就透露太太到了澳門工作：「佢去咗幾個星期，入住酒店冇水冇電，情況混亂，等颱風走咗我就過去搵佢。」她又大方展示左手無名指的婚戒說：「好Cheap咋，唔使鑽戒，食麵包、飲暖水就夠。」她坦言結婚時很低調，圈中人僅得小余老友林嘉欣出席。她表示與太太拍了拖7年，而今年5月兩人結婚一周年時，就去了日本慶祝。