湯沛宜「揸咕咕」鬥許珮榆由頭輸到尾

《東網Baby索晒戲》今集請來索爆女藝人湯沛宜（ToTo）及許珮榆（Diva）參戰，兩人同樣曾參加ViuTV選美節目，ToTo擁34E勁Fit身形，充滿運動健康美，Diva則有32D上圍，皮膚白滑又有電眼，兩人身穿泳衣玩遊戲，畫面夠養眼，實力又如何？

衰在「誠實」

Diva與ToTo要玩三個遊戲測試急才及智慧，第一關是「邊摺紙邊計數」，綵排時，ToTo快速摺出紙鶴、心心及飛機，但正式玩遊戲時，ToTo一計數當堂Hang機，以龜速回答心算題目，結果答錯一題，又未能摺出製成品，反而數口甚精的Diva全中，雖然製成品非常簡陋，但她解釋是螢光魷魚，算是解得通，結果由Diva勝出！

第二回合「口不對手猜呈尋」，兩人講出的數字要跟自己或對手所出的數字不一樣，否則就當輸！ToTo猶如吃了「誠實豆沙包」，講乜出乜狂猜輸，結果Diva再下一城！Diva笑言其實全程放空：「我都唔知自己出咗咩，全靠身體本能出拳，不過都證明咗ToTo好乖唔識講大話。」

第1回合：邊摺紙邊計數 ToTo以龜速答心算題目，答錯又摺唔出製成品，輸畀Diva。	第2回合：口不對手猜呈尋 與Diva對戰，狂猜輸的ToTo衰「誠實」，又輸！	第3回合：超級無敵沙灘波 Diva與ToTo鬥創意又鬥球技，結果Diva接到波贏晒！

自己讚自己

第三回合「超級無敵沙灘波」，兩女傳波同時講出跟題目相關的詞語，鬥晒創意，講「自己優點」時，Diva讚自己「善良」、「孝順」及「誠實」，ToTo則狂讚自己外形，「鼻高」、「眼大」、「腳趾長」及「鼻毛短」，笑料十足！答下一題「遇到鹹豬手點算」時，兩女暴力一面全啟動，狂數對付色狼的方法，「扯佢頭髮」、「高踭鞋踩到佢爆」、「打到佢鼻哥窿流血」，ToTo更說出「踢佢咕咕」、「用手揸佢個咕」等酷刑，真係聽見都痛！最後因ToTo接不到沙灘波再輸！最終賽果ToTo全敗要受罰孭住Diva行一段路，兩女全程笑聲拆天，玩得相當開心，大家記得黐實東網巨星睇片啦！

Diva	有孭懲罰 輸家ToTo被罰孭住Diva行，仲行到邊玩邊笑！

下戰書挑機 落水再鍊過

ToTo及Diva各具美態，強項亦完全不同，擁有健康膚色的ToTo擅長運動，最近有學功夫、瑜伽及美人魚游泳訓練，對於今集三戰全敗，ToTo笑說：「我做嘢鍾意專心，要考一心二用係差啲，下次如果玩同體能、游水有關嘅遊戲，我有信心會贏！」

而皮膚白滑、眼仔睩睩的Diva平日有研究八字命理，因此記性較好，今次遊戲是「開正佢嗰瓣」，但她謙稱今次全勝是贏得僥倖，因玩遊戲多數是輸家。

Profile

許珮榆（Diva）

年齡：26歲

三圍：32D、25、35

身高：1米64

撒手鐧：心思細密、記性第一

Profile

湯沛宜（ToTo）

年齡：26歲

三圍：34E、24、34

身高：1米65

撒手鐧：運動力佳、玩得夠High

文：陳偉立

攝：吳文聰

湯沛宜髮型：Iman Tang@haircorner.Cwb

泳衣：cherrilicioushk