單文柔期待展鵬拖手冇名分都OK

多次被拍得與單文柔(Phoebe)約會的陳展鵬,最近終「鬆口」直認感情生活「幾好」,似乎開始讓感情「浮面」。昨日Phoebe偕龔嘉欣及張振朗等宣傳明珠台節目《野性特工隊》,談到與展鵬的關係,Phoebe說:「之前佢都講過,依家係相處緊、了解緊、探索同磨合緊。(有冇拖手?)冇喎!拍拖對我嚟講係好開心同Sweet嘅事,自己都好想有呢個階段,因為我哋嘅感情,可能喺相處……譬如食飯……浮咗面嘅時候,大家可能Skip咗好多步驟。」

未到穩定階段

問到拍拖會否承認,她說:「如果我講出嚟自己舒服,我會講,但未到我覺得好Stable嘅階段。(如果男友唔認愛,會否唔開心?)拍拖最重要係Sweet同開心,係兩個人嘅嘢。(唔開心佢冇畀名分你?)咩年代呀!要畀名分我?最緊要我哋兩個磨合咗、OK咗先!」又直認與展鵬的關係對她有幫助:「係多咗人識我,但相對地壓力大咗!」

龔嘉欣扮烏龜

至於龔嘉欣玩遊戲時坐地扮烏龜,被司儀蔡康年嫌她未夠瞓身,嘉欣說:「因為我知無論點扮,張振朗都會整蠱我!(為新劇學游水?)我同之前喺《誇世代》演我妹妹嘅江嘉敏一齊學,有事互救!(趁機(目及)仔?)邊有!好專心,我希望克服心理障礙!」