Keep Fit做美人魚 陳嘉容生日捱餓
陳嘉容前日正式踏入42歲，但昨日因為要化身靚靚美人魚，落水拍節目，所以她不敢約朋友食飯慶祝，搞到要餓住過生日，愛靚唔愛命！
名模陳嘉容（Eunis）昨日在半山為ViuTV節目《View》拍攝外景，更換上泳衣在泳池化身靚靚美人魚，拋胸大騷事業線！訪問時，Eunis坦言雖然前日生日，為了Keep住最Fit體態落水，所以不敢食飯慶祝踏入42歲，還要推掉朋友邀約，餓住過生日：「同事都好Sweet送生日蛋糕畀我！（你都唔食得住喎！）係呀，影相靚嘛！」至於生日願望，她笑言非常「行」：「都係身體健康、家人平安同工作順利。」
不熟水性唔識浮
提到她為節目落水，穿上度身訂造「魚尾」的Eunis指今次拍攝好好玩，是一大挑戰，原來她不諳水性：「我唔識浮，第一次落三米深泳池都嚇親，為咗呢次拍攝都練咗兩個月，之前同屋企人放假旅行都有練水。」她指自己愈游愈鍾意，因為可以練到腹肌，最近更開始練出馬甲線，又騷已曬黑的雙臂，指自己皮膚變得黝黑：「預咗曬黑喇，最緊要係拍出嚟個效果靚！之後都應該會玩多啲水上活動。」
文：影視組