張寶欣撐家姐同袁偉豪好襯
港男出身的袁偉豪（Ben）早前被本報獨家踢爆秘撻港姐「友誼小姐」張寶兒（Bowie），Bowie胞妹、應屆候選港姐(10)張寶欣（Boanne）昨日受訪時一反平日口窒窒常態，一口氣順暢地說：「我唔知佢哋係咪拍拖，呢啲係我家姐嘅私人事，希望留番畀佢自己答，因為我都唔係佢心裏面條蟲。（冇見過袁偉豪？）冇見過真人，不過有睇《打工捱世界》。」
問是否因胞姐預先教定答案所以才對答如流？Boanne即拉開話題：「我覺得……我有進步呀！（會否覺得袁偉豪與胞姐相襯？）咁港姐同港男嘛！（會同家姐爭？）唔會，我愛我家姐所以唔會同佢爭。」又指自己與胞姐性格、口味不同。