林聞恩冬天出浴凍水淋身

藝人林聞恩(Mannyan)早前首次參與內地網絡電影,擔任女主角,既要扮被男主角靈魂上身,又要被施暴,她說:「難度真係好高,有場戲講男主角上咗我身着絲襪同高踭鞋,我要演出男仔嗰種粗魯舉動,結果跳跳紮咁換衫,喺房跑來跑去,超攰,好彩效果都幾搞笑!同片嘅前輩艾威睇完,都話畀到驚喜佢。」

至於被姦戲,Mannyan說:「呢場戲反而唔高難度,只要我離遠叫救命就OK,反而之後嘅感情戲好難演,要演出被姦後嗰種痛苦同仇恨。有場講我自覺被姦後好污糟,不停沖身,但拍嗰陣係冬天仲要冇熱水,凍到震!套戲同平時文靜嘅我好唔同,導演同艾威都畀咗好多意見我,係個好有挑戰性嘅經歷,好感恩!」