高海寧狂摑方力申19巴

藝人方力申和高海寧主演的新戲昨日公開宣傳片，片中高Ling在銅鑼灣鬧市，向跪地男友小方出力喪摑19巴，每巴都打到「啪啪」聲，場面震撼！被指是「奴隸獸」的小方卻死撐，稱大家只睇到表面，看不到他對高Ling施打皮鞭和對方跪玻璃哀求的一面。當他繼續大講御女「威水史」時，碰巧高Ling來電，搞到他當堂「笠水」威風不再：「演唱會飛？依家即刻去買！」令觀眾知道他原來只是「自我安慰」。

「馴獸」壓力大

高Ling受訪時直言拍攝「馴獸」場面好大壓力：「導演要求逼真，要好似好大力咁摑小方，但要打太多巴，好驚真係打親佢，所以緊張多過爽！最後都真係有一下指甲唔小心刮損咗佢個鼻，搞到甩皮！真係超唔好意思！」提到在片中是摑人高手，現實中應該亦是高手中的高手？她笑言現實生活從未摑過人：「所以對戲嘅時候會忍唔住笑，但我知道冇機會NG，到拍嘅時候要催眠自己入戲，不停同自己講『我係個野蠻女友』，先可以順利拍完呢場戲！」

高海寧打到啪啪聲，方力申面容扭曲。	方力申畀人摑到好冇癮。	「奴隸獸」方力申，死跟女友高海寧。

呻導演靠害

至於小方笑言導演今次拍攝的「奴隸獸」情節是「靠害」及「過火」，不但要他跪在銅鑼灣鬧市下跪，更眾目睽睽下被掌摑，談到被摑感受，他說只感到「勁尷尬」，完成拍攝後才發現臉上出現血痕。

文：影視組