莊思明創意煙肉卷楊明Like爆
前港姐莊思明雖然不擅長烹飪，但為了冧男友楊明，不時親自下廚炮製創意菜式，今次她為東網巨星節目《星級煮意》大展廚藝，示範簡單又健康的小食「雞蛋牛油果煙肉卷」。
東網巨星節目、甄想記（明記）33周年特約《星級煮意》，今集由莊思明（Lisa）上陣炮製材料簡單、煮法容易的健康小食「雞蛋牛油果煙肉卷」，啱晒Keep Fit一族，男友楊明當然讚不絕口。
呻男友冇句真
Lisa表示與楊明都不太嗜甜，因此甚少整甜品，通常煮小炒、意粉及煲湯給對方居多，她笑言：「我煮咩佢都要食o架啦，同埋我煮乜，佢都話好食，都唔知佢講真定講假。」又取笑對方不懂烹飪：「佢淨係識煮即食麵同煎條腸囉。」來自馬來西亞的Lisa固然愛吃家鄉菜，但坦言要在香港找到正宗馬來西亞食材並不容易：「我好鍾意食椰漿飯同喇沙，學識之後成日煮畀自己食。」
除了楊明有口福，Lisa亦不時為家人下廚，曾經歷無數次失敗的她，吸收經驗後改良菜式，現在獲一致好評。而三姊妹中，Lisa讚莊思華廚藝較精：「佢真係去上烹飪堂學，又注重飲食。而我就好即興，想煮就去街市買材料，然後先上網學點煮。至於莊思敏就完全唔會煮，哈哈。」
烹飪導師Polly大讚Lisa研製的「雞蛋牛油果煙肉卷」有創意，並分享自己愛用牛油果整沙律，隨即炮製「牛油果蛋白蝦沙律」，又為牛油果淋上沙律醬和煉奶，令味道的層次更豐富。
《星級煮意》廣邀藝人及名人展廚藝，包括陶大宇、杜汶澤、陳嘉桓、陸浩明情侶檔、陳嘉佳及朱慧敏等，節目逢周四更新，大家可透過東網App及東網網頁收看及重溫。
https://goo.gl/34hngB
文：名人組