街市被叫做新抱張秀文為靚豬欲拒還迎
藝人張秀文昨日於美食博覽為無綫節目《韓味道》宣傳，小露纖腰的她笑指是性感的最高境界，至於在家中下廚可會只穿圍裙？她笑說：「男士都唔鍾意啦，煮嘢食對住個爐，就算係都淨係睇背面，着背心短褲都OK啦！」小時候已是小廚神的她，笑言最拿手是煮中菜：「去街市會畀人撩，叫你做佢新抱仔，要欲拒還迎咁，因為你直接拒絕佢，就唔會有靚豬肉啦！」
談到工作，她將赴台灣主持一個運動會，會以泳衣示人：「同陸浩明去，會有啲水上競技，我都好耐冇着泳衣上節目啦，不過未知玩咩，買咗幾套泳衣，又想影吓靚相！」至於是否由緋聞男友Victor操刀，她笑說：「叫陸浩明囉，如果佢女友唔介意。（佢女友可能會介意喎！）咁有其他幕後工作人員。（緋聞男友都係幕後！）我跟公司去，今次同體育組，都唔係同一組嘅！」
