辣妻貼身舞陳宇琛(興)到解鈕

陳宇琛與林佑蔚在古堡行婚禮，甚有童話Feel！

藝人石修的囝囝陳宇琛年初在牧師見證下，與Camille進行註冊簽字儀式，二人日前於蘇格蘭愛丁堡一座古堡舉行童話式婚禮。一對新人除穿上婚紗及禮服外，亦有中式傳統結婚禮服，而新娘Camille換了多套婚紗，當中有露背、露腰，亦有晒事業線。她於婚宴中大跳性感舞，在Sam面前不時搔首弄姿、撥頭髮、又扭腰又揈胸，意態撩人，之後更拉埋老公起身齊齊跳貼身舞，又用屁股掃老公大腿，結果辣(興)阿Sam，搞到他除衫鈕又想剝衫。

讚老婆犀利

對於老婆於婚禮上與他大跳辣身舞，阿Sam接受本報訪問時說：「我都好Surprise！其實老婆一路都有跳開舞，不過近年做嘢少跳咗，甚至我都冇見過佢喺我面前跳。佢好犀利，忙於工作之餘仲要搞呢個婚禮，又要私底下練功。（你事前唔知？）其實都估到啲，但冇諗過隻舞咁完整。」

被搞到(興)合合的陳宇琛，即場除衫鈕又想剝衫。

婚禮上當然唔少得陳宇琛與林佑蔚錫錫啦！

阿Sam又指蘇格蘭連日落大雨，所以一度擔心婚禮受影響，幸好當日天氣不錯：「其實行禮之前都冇去過個古堡，一去到覺得好童話。」他又透露雙方父母因工作而缺席：「今次婚禮大概四十人左右，識咗廿年嘅好朋友胡文新都有到，佢嚟之前出咗幾次差、好攰，但都準備咗份講詞，搞到我眼濕濕好感動。」他透露與太太一回港便會投入工作，未有時間籌備香港婚禮，目前首要任務是搞好新屋裝修。

文：影視組