請假一個月李家鼎坐鎮私房菜

與友人夾份搞私房菜生意的藝人李家鼎,近日為準備9月3日開張而忙個不停,昨日他與譚玉瑛於美食博覽以無綫節目《阿爺廚房》主持人身份示範菜式,活動過後更要返公司開會:「要Set菜單。(Booking情況?)爆晒啦,我都唔知一晚幾多枱,我就開咗摩打,有一張係60幾人嚟,淨係小朋友都16個!」為籌備新店,他更特意向無綫請一個月假,以便返新店「坐鎮」,又指《阿爺廚房》若要添食,最快也要明年。

問李家鼎試過一次煮幾多人份量?他表示早前帶團到東莞,一人煮三道菜供550人享用,幸好對方準備大排檔用的爐頭給他使用。至於可有想過請助手,他指別人邀請去商演,就是要看他親自下廚及準備食材。