糖妹揼釘起屋爆指甲嗌爽

黃山怡（糖妹）早前跟慈善團體到柬埔寨進行義工探訪，四日行程中與十多位來自各階層人士，如律師、學生及家庭主婦等，為當地流離失所的貧民起木屋，糖妹身材嬌小，被分配鋪地板的工作，每日冒着中暑之險，踎在爛地揼地板，搞到腳痹又手痛，她說：「因為當地資源有限，我要用釘將一條條的竹條揼落地當地板，試過用錯力揼傷手指幾次，搞到指甲又崩又爆裂，又因踎得太耐腳都痹晒！」

喜悅大過辛苦

不過在整個行程中糖妹沒有呻過一句，與十幾位義工，由一個屋架開始做起，睇住木屋由無變有，那份滿足大大蓋過辛苦感覺，她說：「其實唔止啲貧民有得着，我發現原來踎喺度揼地板都可以減到壓，內心充滿喜悅。」問到當地氣溫高達36度，為何仍穿長袖衫又笠頭巾？糖妹說：「因為我拍緊無綫劇《逆緣》，如果曬黑咗就唔連戲，一定要做防曬措施，況且嗰度好乾燥，唔係香港又濕又熱。」

糖妹踎到腳痹兼揼到指甲崩晒。	糖妹做義工為貧民起屋，冇呻過辛苦。	糖妹遊吳哥窟看日出，一時興起扮「羅拉」。

吳哥窟睇日出

回返港前糖妹與幾位義工趁機到吳哥窟看日出，雖然要捱眼瞓於凌晨四時出發，看見風光如畫就忘記了疲累，她更一時興起扮安祖蓮娜祖莉：「因為我好鍾意《盜墓者羅拉》部戲，而嗰套《古墓奇兵》就喺吳哥窟拍，所以我就擒喺啲石度扮羅拉，但啲相太樣衰，唔可以畀大家睇！」

文：音樂組