王浩信 李佳芯即席床戰 蔡思貝心痛飲泣
藝人王浩信、李佳芯（Ali）及蔡思貝昨日在商場宣傳無綫熱播劇集《踩過界》，浩信與Ali當住現場Fans面前玩「床上遊戲」，重演劇中的床上激情、暗戀浩信的思貝躲在床下傷心痛哭的情節，場面搞笑又引人遐想。浩信更直言囡囡太細，不會讓她看其「床戲」！
王浩信指劇集《踩過界》進入白熱化階段，但他表示不會讓女兒看他與李佳芯的床戲：「始終佢得5歲仲細。（個女見到你同媽咪（陳自瑤）以外嘅女仔親熱會呷醋？）咁我又未試過畀佢睇過，盡量避免混淆佢，可能佢大個啲，我會畀佢睇，話佢知呢個係我嘅工作！」而他扮盲玩遊戲時遭整蠱，在不知情下「變相」非禮朱千雪的人形咕o臣。
蔡思貝則指現實中未試過撞破男友偷食，她說：「都好慶幸畀我拍劇感受到呢種感覺，拍嗰陣我代入咗角色，真係心痛！（會原諒偷食男友？）可能會睇咩原因，或者我唔係一個稱職嘅女友呢！」
感情事低調
而Ali則回應有指她與ViuTV主持陳炳銓遭公司棒打鴛鴦之說，她說：「公司冇壓力，但我呢方面一向低調。（係咪拍拖？）正常交往，我都想喺事業上衝刺。（男方有壓力？）唔知，我哋冇傾過。（話你哋女尊男卑、美女與野獸？）我幾鍾意睇《美女與野獸》，幾浪漫！其實佢都做男主角喎，喺我角度唔覺得女尊男卑！」此外，張振朗笑言王浩信令他到達前所未有的境界：「我未試過同男仔合作會咁投入，嚟緊劇情會同佢嗌交，未試過拍打戲打得咁爽，因為好信任呢個對手！」
文：影視組