蕊蕊畫畫一味貪方便

藝人蕊蕊以34F「Big」爆身材見稱，除了唱歌跳舞外，原來連畫畫都有一手！問到為何愛畫畫？她笑說：「以前會考修藝術，因為嗰時揀科覺得其他科唔適合我，我又好怕上堂，咁畫畫可以自由啲，而且又唔使點樣諗嘢。」眾多畫具中，她獨愛塑膠彩：「我以前係用原子筆同鉛筆畫畫，依家就轉咗塑膠彩，因為畫出嚟個效果似油畫，同埋呢三種畫具有兩個共通點，就係快同方便！」不少人都覺得畫畫難，她則認為主題最有難度：「我最怕就係畫人，因為畫人嘅神髓其實好難捉摸，要畫得好其實好難，而且我畫畫係為咗減壓，畫啲咁難嘅嘢，我會好有壓力！」