孫耀威單人度蜜月

由藝人黃長發投資的模特兒公司昨晚舉行開幕酒會，除獲外籍太太Zuzana、胞兄黃長興一家三口撐場外，歌手孫耀威及轉做藝人的Neway太子薛世恒等也有到場。剛結婚的孫耀威表示生活好寫意，笑言是單人度蜜月：「成年冇放假，放縱自己，又食又睇戲，好寫意，老婆出去做嘢，我上岸。（自我繁殖？）唔係。」他透露有內地節目邀請他們夫妻檔演出：「因為佢哋唔識我老婆，想我哋同台合唱，我哋連卡拉OK都未試過一齊唱，呢個星期試吓我對住佢唱，睇吓唱唔唱到歌。（對佢唱會硬晒軚？）係，我身經百戰，對女仔演戲都得，但對老婆就唔知喇！」