JW入紙紅館 一次搞掂

歌手王灝兒(JW)接受電台訪問,講到一月將在紅館舉行演唱會,她開心表示想不到入紙一次就批:「其實我哋諗要Keep住試一、兩年先得,但點知第一次就得咗,所以冇心理準備。」她亦笑言打算鑲起紅館寄來的通知信。

JW透露屆時應會開三面台,亦希望拉近觀眾距離:「想個大波波可以掟去人群同大家玩,想同觀眾玩多啲。」講到要開始Keep Fit,JW表示男友有提醒她不要食太多:「我食嘢嗰陣,佢就會話『你一月紅館喎』。」她亦透露希望邀請家人、朋友、合作過的同事等見證她開騷。問到可會請前老闆黎明?她說:「一定會請。(叫佢做嘉賓?)都想,但唔知佢得唔得閒,但一定會問佢。」