29歲仲係卜卜脆 湯怡化身學生妹戀19歲原島大地
英皇女星湯怡於新片演16歲卜卜脆學生妹，並與相差10年的原島大地發展姊弟戀，幸而她一直有做運動保靚樣，故即使穿上校服也絕對有說服力。不過開工僅兩天，湯怡未知是否抵受不住壓力，引致皮膚敏感。
歷年來投資過不少大製作的英皇，成功捧紅不少影星，眼見影壇近年青黃不接，也有出手栽培影壇新貴。繼早前衛詩雅於《失眠》一人分飾兩角，演技備受好評後，最近更重點力捧現年29歲的湯怡，安排她於新片《日月星》孭重飛，並夥拍中日混血男星原島大地、鄭丹瑞及夏韶聲等。
陳茵媺「出山」
去年誕下細女Camilla的前港姐陳茵媺，亦會「出山」加盟，該片講述1992年香港的人和事，當中包括愛情的忍耐與犧牲。湯怡與原島大地演一對學生情侶，雖然現實中二人相差10載，名副其實姊弟戀，幸好湯怡一直有跑步運動，兼且操出馬甲線，外表絕對比真實年紀年輕得多。日前二人便以校服Look上陣，於柴灣拍攝一場揀唱片戲份，孭住書包的湯怡與原島大地有講有笑，畫面上不難看出一點青澀味道。
壓力大皮膚敏感
而首次擔任女主角的湯怡，昨日接受本報訪問時大表高興，感謝公司給予機會之餘，同時亦感到壓力，她說：「開咗兩日工，唔知係通宵定係壓力，搞到有少少皮膚敏感，其實我同大地都慢熱，大家識咗三個月都有Keep住聯絡，了解大家生活。」湯怡笑指雖然有年紀差距，但大地外貌較為成熟，故不成問題：「我估唔到仲可以做到學生啦！（點溝通？）初頭都驚，因為我唔識日文，但原來佢識普通話，所以溝通OK，同埋我都有叫大地教我日文。」
文：影視組