陳君宜被大力捏鼻笑老公想謀殺
藝人朱慧敏早前與名媛好友陳君宜及其丈夫鄭躬明學急救，男方充當病人任由兩女按心肺。朱慧敏自爆多年前曾學人工呼吸，卻因不夠氣差點暈倒，今次終於一雪前恥，成功合格。
朱慧敏、陳君宜（Qinnie）與鄭躬明早前興之所至相約學習急救，三人學習心肺復甦法及人工呼吸，鄭躬明飾演病人時非常逼真，Qinnie說：「我哋好認真，佢要真係扮暈。（佢係咪搵你按心肺？）梗係搵我，佢就想搵朱慧敏喇。其實教練叫我哋唔好搵真人試，怕我哋整親，所以都係按假人。」但提到老公鄭躬明為她做人工呼吸時力氣甚大，她說：「佢真係想整死我咁！好大力咁捏我個鼻，鼻都幾乎畀佢整歪！」
朱慧敏則表示以前是紅十字會成員，學過急救，但當年只有包紮與心肺復甦法合格，人工呼吸未能過關，她解釋：「因為我要幫個公仔吹氣，但唔夠氣令自己頭暈，今次再學終於合格！」
Qinnie帶2歲囝囝潛水
另外，Qinnie除了學急救外，又與老公修讀潛水課程（Rescue diver course），當中要筆試、落泳池及落海，原本兩個課程一般人要花五日，但他們只用兩日半便完成。她解釋自己一向性急，做事永遠速戰速決。而同行的兩歲兒子鄭嵐升看到大人落海時，緊張得在船邊大叫：「救人呀！有鯊魚呀！」令Qinnie啼笑皆非：「第一次帶埋佢出海，以前只係睇我潛水嘅影片，幾好呀等佢見識吓潛水係點，唔一定要帶佢學，始終佢得兩歲。」
文：名人組