英國巨肺天后Adele早前於倫敦公屋住宅格倫費爾大樓發生沖天火災時，已親身到場幫手，並為受害人打氣，其後又到消防局慰勞消防員。事隔兩個月，Adele仍相當有心，上周四邀請受倫敦大火影響的兒童，於倫敦戲院出席一個私人試映會欣賞電腦動畫《壞蛋獎門人3》（Despicable Me 3），又與小粉絲合照留念。
受影響居民大讚Adele有愛心，知情者透露：「Adele嘅巡迴已經完結，佢喺可見將來都會視社區工作為全職。作為一個倫敦人，佢冇隱藏格倫費爾大樓大火對佢個人嘅影響，想幫得幾多就幫幾多。喺佢幕後為受害人籌款嘅同時，佢想畀班住客玩番晚，暫時忘記傷痛，所以舉辦咗新片《壞蛋獎門人3》嘅私人試映會。」