藝人張繼聰最近劇接劇賺奶粉錢，放工後即化身「廿四孝」爸爸，幫手照顧B女張靖（Karina）。張繼聰在社交網分享另類湊B生活，片中他抱住Karina欣賞其演出作品，期間播到他被李嘉當街追斬時，四個多月大的Karina表現肉緊，一邊睇一邊疑叫「爸爸」，令張繼聰甜入心，並寫道：「拍攝呢幕嘅時候，又熱又攰又打到周身痛，爸爸一諗住喺媽媽肚裏面嘅你，就充滿力量。一眨眼，你就陪住我一齊睇依一幕。」連楊千嬅都留言讚「so sweet」。