AGA晒美腿 捱餓開騷

歌手AGA（江海迦）前晚到藝術中心舉行音樂會，身穿直間高衩長裙騷腿，又自彈自唱英文歌。說到音樂會因八號風球而由7月底延期至前晚，她坦言日前的黃雨令她很擔心要再次延期：「好彩都順利。（餓多咗幾日？）係呀，日日操，朝早做運動，好多日冇食過飯，係今日出騷前先有飯食。（條裙好窄？）少少啦，都有啲玄機。」至於有歌迷送上冬甩，她表示愛吃所有甜品，又很喜歡喝咖啡：「戒咗咖啡個半月，要即刻飲，好辛苦！」AGA又透露近日準備考車牌，因之前覺得車位很貴，而且住所附近很難找車位所以遲遲未考。