嘉樂52歲生日 收女兒肉嘴
藝人錢嘉樂昨日52歲生日，身在北京拍電影的他回港舉行生日派對，錢家總動員出席，三代同堂樂也融融！錢嘉樂除獲大女錢凱晴送上生日「肉嘴」外，又有老婆湯盈盈餵食蛋糕，令冧爆的他興奮得扮鹹蛋超人「回禮」給現場賓客！
昨日生日的錢嘉樂在前晚舉行生日派對，除有太太湯盈盈及兩個囡囡陪慶祝外，好友鄭敬基、嘉樂哥哥錢小豪、錢小豪兒子龐景峰及嘉樂父母亦有出席，嘉樂上載照片到微博與網友分享，三代同堂，幸福滿瀉！
相中所見生日蛋糕是一個Cute版賽道，並放置三部迷你「辣跑」做蠟燭，更搞笑將生日歲數52變成25歲！而打扮成公主的嘉樂大女錢凱晴送上「肉嘴」給爸爸，湯盈盈則親自餵老公食蛋糕，令嘉樂開心得「回贈」賓客，扮成鹹蛋超人！昨日嘉樂接受本報電話訪問時表示特別從北京回港過生日：「好開心！我喺北京同鄭伊健、謝天華拍電影，但因為生日所以要抽一、兩日返嚟，因為電影趕住2018年年頭上映，派對完咗之後要即刻返北京。（老婆送咩禮物？）冇咩要送啦，都送咗兩個女畀我。」
楊思琦牛一有囡陪
至於身為姪仔的龐景峰表示送上法拉利遙控跑車作為生日禮物，問到近年多了出席家庭聚會？他說：「每個家庭成員生日、過時過節都好齊人，我近年都玩多咗社交網，平時都會放相上去。」他又透露近日與爸爸錢小豪剛完成拍攝電影工作，屆時將出席首映活動。
另外，今日39歲生日的前港姐楊思琦，表示早前與女兒楊卓穎及女兒朋友兼童星胡梓盈等預祝生日：「今日會同屋企人食飯，個女唱咗隻生日歌畀我，最想係多啲陪個女，今年已經係最後一個三字頭生日，祝自己青春常駐。（唔係搵另一半咩？）我咁忙，畀唔到時間陪人，都想花多啲時間睇清楚。」
文：專案組