搶JW 吳業坤風頭 麥明詩孖太子爺睇騷親暱咬耳仔

「十優港姐」麥明詩（Louisa）前晚到麥花臣欣賞吳業坤（坤坤）和王灝兒（JW）的音樂會，見她身邊有一名型男及女友人相伴，期間更與男伴有講有笑，又挨埋去耳語，恰如一對情侶。騷後記者追問男伴是誰，Louisa即自爆是曾傳緋聞的「藥房太子爺」Thomas：「呢個咪之前報道嘅藥房太子爺囉，佢係我同學。（你哋挨到好埋？）太嘈先哄埋講嘢咋，我哋仲有個女仔朋友一齊嚟睇。」之後她返回座位繼續跟他們談天，他們見到記者影相亦未有避忌，但就變了女友人坐中間。

笑拍檔甩頭髮

除Louisa外，JW男友Tarzan、許廷鏗、胡鴻鈞等亦來捧場，未知是否因男友監場，JW和坤坤合唱《小酒窩》時刻意保持距離，連眼神都避開，但期間不時互窒，如坤坤謂當年曾與周秀娜合唱此曲，雖然JW和周秀娜髮型相同，但身材不同。JW亦不甘示弱，她幫坤坤整理頭髮時笑言：「我會好小心，因冇乜剩，唔想你甩多啲。」之後坤坤又爆JW坐姿豪邁，經常腿張開，JW就反擊坤坤多緋聞女友，坤坤即笑言JW遲早會是其緋聞女友。到尾聲JW宣布明年1月將在紅館開騷，坤坤即自薦做嘉賓。

兩人睇到手舞足蹈。	JW身穿性感低V歌衫，而其男友亦有捧場。	吳業坤和JW合唱企到離行離列，十分搞笑！

「起痰」再唱過

騷後被問到合唱保持距離，是否怕男友呷醋？JW即指男友很支持自己。講到JW身穿性感V領衫，坤坤即笑言搞到他分心唱甩嘴。至於坤坤謂JW遲早成其緋聞女友，JW即澄清：「唔會，我同佢分得好開嘅！」談到合唱《羅生門》時，JW唱了幾句即叫停，要重新再唱，對此她解釋因為「痰上頸」，但絕非坤坤所講「因愛起痰」。

文：音樂組