張曦雯打機：好多人叫我雯哥
「打機女神」張曦雯（Kelly）、湯洛雯和江嘉敏昨日在屯門市廣場為「變形金剛電競大激鬥比賽」擔任嘉賓。經常直播打機的Kelly直言觀眾為她改了花名：「我每次卡咗啲位過唔到，佢哋就不斷叫我『卡關雯』，都有好多人叫我『雯哥』！（好唔Lady！）我本身都好唔Lady！」提到她在毛里裘斯拍攝的無綫節目《3日2夜》在前晚播出，擁有「最強Body」的她稱不敢睇：「好怕睇電視聽到自己把聲，唔想欣賞自己啲泳衣！」
而湯洛雯則透露曾送電玩給緋聞男友羅天宇：「因為佢生日。（佢鍾意？）實鍾意啦，男仔喎！（一齊玩？）冇，等佢邀請我。」更在台上指自己與對方「朋友以上、戀人未滿」。至於江嘉敏就指因偶像謝霆鋒愛電玩而打機，但記者指其偶像會因打機而不沖涼，她便指幻想破滅。
