搞錯張衞健Fans 洪永城自作多情瘀爆！
藝人張衞健（Dicky）、洪永城（Tony）、曹永廉、蔡思貝與徐榮等日前已赴佛山西樵山國藝影城，為劇集《大帥哥》拍攝外景。一眾演員以劇中造型全副武裝出席開鏡儀式，除了準備150斤重大燒豬進行拜神外，現場更列起一整隊兵馬，由「大帥哥」Dicky指揮下響起第一炮，相當霸氣。
劇中飾演Dicky部下的Tony笑言見識到對方的感染力：「我喺片場着住套軍服都覺得自己好靚仔，見到有班o靚妹衝埋嚟，以為自己喺佛山都有少少知名度，咪同佢哋打招呼，點知望一望後面原來係嚟搵大帥哥（Dicky），真係前所未有咁瘀皮！估唔到大帥哥嘅感染力係影響埋90後同新世代！」Tony又指整個團隊甚有凝聚力：「首星期拍攝順暢，成個團隊精神好好，我都算出過好多次Trip，但同一班志同道合嘅拍檔係好緊要，今次係最好腳嘅一次！每晚收工好攰但好開心，大家會飲吓酒、傾吓偈。」
