曹永廉拒「勾義嫂」：真係唔敢接

與蕭正楠及黃翠如老友鬼鬼的曹永廉，對《超》劇開拍續集亦興奮不已。當得知新加入的黃翠如「反傳統」未有跟男友做一對，反而想與他這位老友談情咀嘴而大嚇一跳！提到大有機會「勾義嫂」，阿廉昨日受訪坦言擔心好兄弟阿蕭嬲：「翠如加入係開心事，監製搵佢加入我就梗係放心，但佢點名要同我有感情線，我諗起都驚囉！我會好尷尬，唔太舒服，怕阿蕭小器費事佢嬲！同埋咁樣阿蕭都會好辛苦，我同翠如有親密場口嘅話，佢又要留低睇住我哋！如果真係咁樣安排，我真係唔敢接演！（監製其實都諗過你哋可能演父女？）咁好好多！除咗要我哋演情侶，我乜都肯做！」