JC敲響警鐘胸做Hot爆新娘
名模Jessica C.（JC）、Ana R.與女兒、歌手劉美君和薛世恒等昨日現身商場活動，JC為遷就小朋友高度，合照時頻頻烏身晒線頭。JC的未婚夫安志杰早前因拍戲傷腳，問到康復情況，她說：「佢下星期要返大陸拍戲，但要打六星期石膏，佢尋日去覆診，應該要用拐杖，但佢好癲，冇用拐杖，我同佢講笑話唔想結婚當日佢要坐住輪椅。（會唔會跟佢返大陸照顧佢？）佢會返先，我之後探佢班。」
提到兩人將於10月在夏威夷舉行婚禮，JC希望這期間努力操弗：「我想以最佳狀態示人，睇起嚟好Hot。（結婚當日會好性感？）我做咗媽咪後好耐冇性感，而且我哋喺夏威夷行禮，嗰度有沙灘，都會着比堅尼。（想減幾多磅？）5至10磅，主要係想結實啲，見到Andy（安志杰）受咗傷都仲去健身，我都冇藉口畀自己。」
