陳美詩唔抵得孫耀威Happy

陳美詩(Macy)昨日到電台宣傳新歌《我要照顧你》,忙於工作的她坦言很充實,而老公孫耀威則獨自「度蜜月」:「佢自拍去Happy Hour同海邊嘅相畀我睇,叫我專心做嘢。(有冇唔抵得?)有!佢好招積。」

提到換了新髮型,Macy笑言每天都在摸索自己的頭髮:「我諗大家都未見過我剪到咁短。(老公有冇嫌你男仔頭?)冇喎!佢叫我剷短啲,玩多啲嘢,型格啲。」她表示沒想過與老公合唱,但想叫對方做新歌MV的導演:「我會要求搵一個好大隻、好靚仔嘅男主角,同埋好多好親密嘅鏡頭。(老公會肯?)我唔理佢。(冇酬勞?)當然啦!佢要無限量支持我嘛!(有冇人選?)未諗,幫我招募一下。」