謝賢冇送禮:都唔知Lucas生日!

孫仔謝振軒(Lucas)前日生日,出名錫他的爺爺謝賢(四哥)有否送禮賀Lucas踏入10歲?四哥接受電話訪問時不知道講真定講笑地說:「冇噃,我都唔知佢生日!」問到會否約一家人齊齊慶祝?他又說:「冇喎,我都唔喺香港。(去旅行定做嘢?)你問咁多嘢做乜啫,唔答你呀!」說畢便匆匆收線。但昨午約三時,四哥相約了一名男友人在中環歎茶,兩人於餐廳逗留約一小時便離開,沿途步往乘車時,他與友人傾個不停,還講到笑笑口。

早前謝賢作客奇妙電視節目《天下第一Friend》,受訪時自爆屋企有部倒吊機:「我日日都要吊幾次o架!邊吊邊拍面減少皺紋。」又笑指早年頭上有一撮白髮,吊吊吓吊走了白髮。主持鄭紹康問他覺得自己還是兒子謝霆鋒比較Chok,他即笑道:「我係老人Chok,佢係年輕Chok!」