苟芸慧好事近？留番畀男仔講

苟芸慧、王君馨（Grace）、名模馬詩慧（Janet）及三名仔女王曼喜、王麗嘉及王躍穎，昨日出席主題樂園活動。苟姑娘表示近日要陪男友陸漢洋出戰賽車比賽，故久未在港露面。提及男友日前比賽發生小意外，她坦言玩賽車難免會有碰撞，幸而最終能贏得冠軍。問到兩人可有結婚計劃？身旁的Grace大爆：「唔係話贏咗總冠軍就會結婚咩？」苟姑娘隨即害羞地說：「其實聽日我同佢（陸漢洋）會一齊出席活動，呢樣都係留番畀男仔去講。」難道兩人宣布喜訊？

獲3星身份證

此外，苟姑娘又開心share指日前終獲3粒星香港永久性居民身份證，可以以港人身份出戰，又指男友要一直出賽到年底，下站會去馬來西亞，而自己則繼續訓練成為賽車手。Grace直言與一眾「處女黨」姊妹均擔心苟姑娘賽車，每次都有替她祈禱，下次會到現場打氣以示支持。苟姑娘笑言她們不只打氣咁簡單：「佢哋咁靚，去到幫我吸引其他賽車手，等我可以一口氣衝線贏冠軍。」她在活動上更捐出9,900元支持主題樂園保育，寓意「健健康康，長長久久」，而Grace隨即祝福對方與男友長長久久。

陸漢洋出戰賽車比賽贏得冠軍。	馬詩慧（右二）大讚三名子女行騷表現不俗。	放大圖片

王躍穎教朋友追女仔

同場Janet的三名仔女為時裝騷粉墨登場，兒子王躍穎自誇表現最好，Janet則認為三人表現不俗，又踢爆兒子並非首次行騷，已累積很多演出經驗。提到早前有內地電影公司計劃找父親王敏德與兒子王躍穎拍戲，Janet指仍未開始傾，正尋找投資者中，兒子對拍戲甚有興趣，望父子檔能成真。而王躍穎透露現時單身，Janet則大爆他在追女仔方面甚有自信，還會教朋友追女招數。

文：名人組