孫耀威貓晒 虛度春宵

孫耀威昨日戴上黑超出席美容活動，自言新婚後酒醉未醒：「我好渣，畀朋友隊冧咗。我12點幾扮醉，一扮就真係醉咗。」太太陳美詩則與一班姊妹飲酒傾偈到天光，酒量很好！說到訂了酒店套房的大床，孫耀威笑言：「我醉咗大字形咁瞓喺度，死咗咁，朋友影晒相。嘥咗，冇洞房！」新婚翌日就開工的他坦言要養太太，不過美詩事業心重，即將重返樂壇，他說：「佢係2017年女新人，幾廿歲先嚟做女新人，我希望佢成功，我可以食吓軟飯！」昨晚他又上載與美詩在樂園的合照，並留言表示到迪士尼度蜜月。