汪明荃開騷羅家英有嘢爆

羅家英昨日以藝術策劃身份，到紅磡高山劇場出席「粵劇新星展」開幕拜神，他表示雖然不會參演任何劇目，但會教一班粵劇界新星演出技巧。問到會否教阮兆輝兒子阮德鏘，他說：「唔使啦！佢爸爸會教佢。」又讚李奇峰女兒李沛妍做得不錯。他透露會為汪明荃下月舉行的演唱會擔任嘉賓，但不會與對方合唱：「只會講嘢。（會唔會爆佢嘅嘢？）都好喎！諗吓先！」提到第二場適逢是汪明荃的生日，他表示不會送驚喜，會讓對方決定如何慶祝。