林奕匡被鬧祖宗18代委屈到喊

歌手林奕匡（Phil）昨日到電台宣傳新歌《有淚多好》，問上次喊是何時？他說：「前幾日之嘛，諗起上年去世嘅朋友。」隨即表示入行前試過委屈到喊：「係上跳舞堂，個老闆娘錯但話我錯，原本我跳星期一，我話想調星期四，佢話得之後又話當日冇堂，但照收我費用。」由於他當時怕影響星途故未有與對方爭論：「怕得罪佢，我一句話都冇駁，佢連我祖宗十八代都數晒出嚟，又話自己撈偏（門），之後我冇再去上堂。」下月與未婚妻體育主持李靄璣（Rikko）拉埋天窗的Phil承認不時激到對方喊：「佢嬲同喊我就會出絕招，唱歌氹佢。」