接內地工作要小心邵仲衡驚得不償失

邵仲衡與麥貝夷等前晚出席電影首映禮,講到近日工作,邵仲衡表示忙於睇內地劇本,接戲會揀選過才接拍:「我又唔係為咗生活,八月中先會接拍本地劇集。(係唔係ViuTV《詭探》續集?)籌備緊。等佢哋公布啦!」近期密密接內地Job的他,坦言接工作一向都會好小心:「有時返內地做嘢,會有好多意料唔到嘅事發生,要好小心揀,以免發生啲不必要嘅事情而同人勞氣,得不償失。」

而麥貝夷近年跟舞台劇演員林立三學做戲,她說:「個課程三年,每次上堂都畀佢鬧,個課程最基本要將你back to basic(返璞歸真),面對自己嘅陰暗面。」