李佳芯睇中人夫張繼聰摸腹肌讚極品

藝人李佳芯（Ali）、蔡思貝、陳庭欣和翟威廉（William）等昨日在西貢一間社企餐廳出席無綫劇《踩過界》之「以心傳聲」活動，與聽障小朋友大玩遊戲。提到Ali和王浩信的床戲即將播出，Ali笑指對方的弗爆身材確實無敵，問有否拍到流口水？她妙答：「見慣啦！依家拍緊《誇世代》，張繼聰、陳豪、森美都練到好大隻！」

最粒粒分明

Ali又指張繼聰是合作過、摸過的男藝人中，腹肌最粒粒分明，擺明不怕對方老婆謝安琪嬲嬲豬。記者笑她似足一個肌肉鑑賞家，豈料Ali笑說：「我被迫o架！被迫望、被迫摸！我唔想o架！」問到緋聞男友、ViuTV主持陳炳銓（Danny）有幾多舊腹肌？她風騷地說：「我朋友？冇數過呀，下次你哋叫佢除衫睇睇。」

李佳芯都有讚王浩信身材弗爆！	張振朗與蔡思貝擺騎呢甫士，連自己都忍唔住笑。	翟威廉與劉佩玥傳過電，即被陳庭欣（右）取笑是「Recycle電」。

翟威廉封「Recycle電」

提到本報踢爆劉佩玥（Moon）同日先後與ViuTV主持陳安立和William約會，最後更跟William返回其旺角寓所。William即指該處其實是專為big big channel直播而設的工作室，一班好友經常在該處直播。問William同Moon有否過電？他指感情上不過電：「但夾Band方面就OK嘅！」問到他與長期緋聞女友陳庭欣是否仍過電時，陳庭欣即笑指與對方是「Recycle電」：「可以循環再用，用得唔好嘥！」

至於蔡思貝談到Moon的感情狀況時，她即為好友護航：「佢講咗畀我知，我都唔會話畀你知啦！不過佢人見人愛，有人追都好正常。」

文：影視組