威利開騷自爆窮到燶 「一件恤衫兩份着」
資深藝人李龍基、威利及張武孝（大AL）前晚於旺角麥花臣場館舉行《馬天尼娛樂主辦：龍威武‧三個好歌男人演唱會2017》，陳煒、馬浚偉及薰妮等人到場欣賞。演唱會於晚上8時30分開始，李龍基、威利及大AL同穿白褲、白鞋現身，唱出小虎隊的《伴我啟航》，三人跟觀眾揮手，又與台下藝人朋友握手擁抱。李龍基笑言拍劇時的「親人」都在場，又叫陳煒獻吻。
娛樂公司老闆孫敬安不時舉手機拍攝，其妻盧敏儀又跳又拍手，非常投入！
一首歌養妻活兒
威利透露當年曾經不想唱《胸懷大志》，但作曲的顧嘉煇鼓勵他唱：「如果我放棄咗呢首歌，我諗我嘅人生會更加慘，呢首歌幫我養妻活兒。」他自爆後生時很坎坷：「自細家貧，細細個就出嚟唱，一件恤衫同人兩份着，着嚟着去都係得一條西褲！」大AL唱出威利的《快到我面前》時，李龍基拉了台下的胡櫻汶、吳麗珠及李美慧上台跳舞，玩得十分盡興，歌唱老師吳向陞則以嘉賓身份獻唱。
其後三位主角再度登場，唱出連串英文歌，還走上樓梯與觀眾握手，觀眾乘機拉着他們集郵，氣氛熱烈。李龍基唱出《每當變幻時》，更拉原唱者薰妮上台，不過她未有開金口。到了劇集主題曲部分，王俊棠被拉上台唱了一小段《萬水千山縱橫》，贏得不少掌聲。Encore時段，三人唱出《獅子山下》及《東方之珠》等經典金曲，演唱會圓滿結束。
文：音樂組