前港姐冠軍麥明詩昨日現身黃埔，為兒童活動擔任嘉賓，她表示近年有朋友結婚生仔，令她有更多機會接觸小朋友，提到大可找個男朋友啟動生仔計劃，麥明詩笑言：「搵錢難過搵男朋友喎！（搵個有錢嘅囉！）通常我識嘅都麻麻地有錢喎！」問到另一半的條件，她說：「要係心智成熟嘅，但年紀又唔使好大，外表要血氣方剛。（係咪之前啲戀愛經驗太幼稚？）之前都係學生戀愛，做嘢之後，發現要嘅嘢已經唔同咗。」
