何佩瑜箍掂男友 放峰同慶
與導演男友翁子光疑情海翻波的女星何佩瑜（Jeana），昨日突然在網上大派福利，狂晒露半球的性感照。原來她今次「大解放」，是因與男友雨過天青，感情更勝從前，難怪「晒球報喜」賀一賀。
現年28歲的女星何佩瑜（Jeana）去年戀上年長十載的導演翁子光，一直愛得甜蜜，怎料本月初卻驚傳「分訊」，Jeana直認與男友正在磨合中。言猶在耳，Jeana日前孖友人坐遊艇出海，並於昨日大晒露半球照，令網民揣測她散心兼療「情傷」。不過，原來Jeana與翁子光早已成功「復合」，Jeana今次是「開心大解放」，穿性感泳衣派福利。
各有各忙仲好
Jeana在微博留言表示趁好天氣即興出海，並分享多張泳衣照。身穿一件頭的她側身盡騷33C半球，認真誘人，又做「影後」晒玉背及「優質股」，展露一對白滑長腿。Jeana接受本報電話訪問時承認「復合」一事：「之前兩個人相處有少少問題，明白係需要時間處理。（點樣和好？）以前我比較依賴男友，但佢忙籌備8月開嘅新戲，兩個人相處時間少咗。經過溝通同磨合後，依家我嘅心態有轉變，佢忙我就有自己嘅生活，咁啱我又忙拍劇，各有各忙仲好啦！」問到Jeana屆時會否探男友班，她不禁甜笑說：「等我忙埋手上工作先，唔排除嘅。」
沙律隔「胸」迎擊
另外，有料之人張沛樂（沙律）於社交網上載出海照，着白色比堅尼的她大晒33E澎湃上圍，火辣身材任睇，隔「胸」迎戰Jeana！而歌手鍾欣潼（阿嬌）則穿吊帶裙晒「仙氣」，獲網民一致好評。
文：專案組