湯怡買私家泳池畀寶貝狗開P
藝人湯怡與男友洪卓立家中育有一對狗寶貝－－七歲的淇淇及肥膏。愛犬年前生了狗BB，其中一隻送給友人後意外身亡，令湯怡及洪卓立傷心不已。對於家中這對「活寶貝」，湯怡稱照顧周到：「其實一直好想帶佢哋去泳池，但香港狗泳池位置比較偏遠，佢哋好易暈車浪，所以遲遲都冇去過。近日我哋就買咗個泳池仔返屋企，佢哋起初以為有新床，好興奮咁走嚟走去，點知當注咗水放佢哋入去，兩個都好緊張。」
身為「太太」的淇淇比「丈夫」肥膏大膽，湯怡笑說：「攞咗啲玩具『伴游』，淇淇表現都OK，只係肥膏慘叫，成日想我抱佢上水。狗仔通常天生都識游水嘅，我抱住佢哋游幾吓，都發現佢哋其實識撥水、識游嘞！」身邊友人如泳兒及鍾舒漫等發現湯怡家中「設有泳池」，即提議帶自己的愛犬到訪，會合淇淇及肥膏，搞個大型pool side dog party！
