JC同「小新」撞樣諗過整容
黎明最新力捧的新人JC（陳詠桐）憑獨特聲線深受網民愛戴，激讚其唱功兼封她為新一代實力派天后，惟部分網友卻取笑其樣貌，笑她似卡通人物「蠟筆小新」，JC昨日接受電台訪問時直認有留意留言，對於樣貌被取笑，她承認曾想過「變靚啲」，但被整容短片嚇怕而卻步。
問到自信心有否被打擊？有自知之明的JC說：「把口生喺人度，樣生喺自己度，會努力去改變。（整容？）諗就一定有諗過，但睇到啲整容片好恐怖，尤其削骨，削完唔可以食嘢同埋唔可以郁。」問到被批評生得唔靚，有否感到不快？JC說：「初頭有唔開心，依家面對到，所以冇所謂。」對於新歌唱腔被指似歌手曲婉婷，她直言感到驚喜：「冇諗過啲人會咁講，本身好鍾意佢嘅style。」
「明福俠」出月餅
另外，繼謝霆鋒及鄭欣宜計劃推出曲奇月餅後，黎明今年亦湊熱鬧，前晚在社交網公布以「明福俠」之名推出月餅，但只得「有機紫無花果」口味，月餅皮印有「明福俠」肖像，非常可愛。
文：音樂組