吳啟華搵人仔：日薪好好o架！
藝人吳啟華、朱慧敏、李思欣及程芷渝等昨日到尖沙咀出席電影開鏡記者會，講到有何吸引之處令啟華接演這部內地網絡電影？他直認酬勞吸引：「錢囉！亦當幫吓程芷渝（投資者之一兼演員）。我飾演心理醫生，靠催眠協助求醫者恢復記憶搵犯人。（酬勞有幾好？）內地市場大，製作費一定高啲，斷日計好過平時拍劇，幾日就拍完，日薪真係好好o架！（唔拍港劇？）同TVB有傾開，雖然酬勞少啲，但返娘家好開心。」
朱慧敏表示戲中要由頭喊到尾，跟啟華有含蓄感情線，但沒咀戲：「有朋友話羨慕我咀邊個邊個，有時嗰個人識咗幾日就咀，幾驚o架！」至於前大律師林作飾演醫生，講到日前他指今屆全部DSE狀元都選擇做醫生，認為新一代思想狹隘，自封網民公敵的他表示今次言論是最多人撐的一次。
