金美黎快手撳得住唔使蝕底！

無綫為讓各界加深認識《2017香港小姐競選》12位參選佳麗，昨日特別安排其中6位候選港姐，包括張寶欣、何依婷、金美黎、劉穎敏、梁雯蔚及李清心到中環海濱，接受「big big channel快問快答」大測試，吸引大批市民圍觀，而餘下6位佳麗則會於今日到上址接受同一測試。

每個女仔都獨特

金美黎及張寶欣同以露肩裝示人，二人合照時忽然吹來一陣怪風，將金美黎上衣吹起，她見狀即時出手撳住並說：「頭先件衫被風吹起，我都驚，即刻撳住。（怕走光？）咁我裏面都着咗Top嘅！（你頸附近起紅粒？）可能係我剛才搽防曬，捽得大力咗！」由於張寶欣是上屆港姐「友誼小姐」張寶兒胞妹，特別受傳媒注意，金美黎對此表示不覺輸蝕：「其實每個女仔都係一顆獨特嘅星星，各有自己嘅發光點，我唔會好介意呢樣嘢！（你自評有咩優勢？）我捱得苦、有毅力，做事夠堅持！」

放大圖片	何依婷穿入膊衫稍露香肩，一樣搶鏡。	張寶欣（左起）、何依婷、金美黎、劉穎敏、梁雯蔚及李清心一起和「大明猩」合照。

張寶欣自嘲轉數慢

張寶欣則坦言有叫家姐撐場：「我有叫家姐留意我嘅Live，之前我都有玩big big channel，仲送咗禮物畀家姐！（家姐有冇幫你練習快問快答？）冇，我平時Load得比較慢，我驚人問我一啲我要諗好耐嘅問題，變咗快問慢答。」提到張寶兒之前於《打工捱世界II》以比堅尼上陣，張寶欣表示有看節目：「係呀，好靚！我哋平時少着三點式，所以都覺得嘩然！（你哋邊個身材好啲？）家姐好啲，有長腿，我要努力減肥！（驚人話你借家姐宣傳？）唔會，每個人都有獨特一面！」

文：影視組