溫碧霞眼腫腫：冇話過離婚
與富商何祖光結婚17年的女星溫碧霞日前被爆與老公分居四個月，昨日她現身機場時直認目前與老公分開，但仍關心和珍惜對方，更說：「17年感情唔係話分開就分開，冇話過要離婚！」Irene開綠燈令婚姻有轉機！
溫碧霞（Irene）日前被爆與結婚17年的富商何祖光分居四個月，昨日她以吊帶白色裙現身機場，準備出埠工作，不過見她精神麻麻且雙眼浮腫，右手無名指則戴着戒指。
Irene坦言兩個人相處不可能永遠風平浪靜，更指與老公是兩個世界的人，坦言大家各有各忙令溝通變少，不過關係並非如外界所想的嚴重，她坦言：「17年感情唔係話分開就分開，發生呢件事之後，先更加明白佢依然好關心我，我依然好關心佢！」
「起碼知問題喺邊」
她澄清從未講過要離婚，但直認與老公分開一段時間。被問到二人是否未辦過離婚手續？她說：「冇咁嚴重，要時間諗清楚，起碼知我哋問題喺邊，有問題唔可以唔講，但放心，我會珍惜對方！」有指老公不喜歡她從事演藝圈，她似有口難言表示：「嗯……佢一直好支持我，只不過係……係囉……」未幾她轉身步入禁區，並說：「去做嘢。（去幾耐？）幾日啦，離開香港幾日都好嘅。（拍劇定登台？）去做嘢！」
文：影視組