李婷婷幻化森林女神
曾奪工展小姐亞軍的藝人李婷婷（Tina）亦會推出寫真集，擁「B Cup」上圍的她以高雅時尚為主要路線，包括在遊艇、森林取景，更出動良駒營造森林女神的感覺，Tina直言起初獲邀拍影集，內心忐忑，因過往風格較保守，從未接過泳衣或內衣工作，但後來得知風格較高雅才決定一試。
怕水的Tina表示在遊艇拍攝時勾起遇溺回憶：「細個學游水浸親，要人工呼吸，『初吻』都畀咗救生員，加上耳水不平衡，當日拍攝係暈住咁影，咁啱仲要大浪，食咗暈浪丸都唔掂，好彩拍出嚟效果非常靚，辛苦都值得！」她指寫真Sell其真實情感生活，特別邀請最愛的嫲嫲一起出鏡，希望大家睇相也感受到愛。