鄧詠雪「細」不可擋奮戰日本乳神

今年的寫真戰如箭在弦，一如以往女星瞄準書展傾巢而出，推出不同類型的寫真滿足各路英雄需要。今年除港產代表具吸引力外，更吸引到有「日本乳神」之稱的「F Cup」京佳來港挑機，令寫真戰更為激烈。港產代表中最出人意表莫過於鄧詠雪，曾為黎明演唱會擔任舞蹈員的她，今次挾着其32A、25、34的三圍化身「平板美人魚」，推出寫真遊記。「A Cup」的鄧詠雪不敢正面「胸」戰，改為主攻教粉絲如何從形態、心態和游泳方法去變成一條美人魚，大走高貴路線，創意十足，加上到希臘、帛琉和小琉球等多個不同的海灘取景，務求以靚人、靚景「必殺技」出戰。

36F京佳「胸」降

另邊廂，年僅17歲、擁有36F、25、32三圍的「日本乳神」京佳，越洋來港「參戰」。京佳憑着其「得天獨厚」的虎牙被香港宅男封為「巨乳顏卓靈」而受到注目，今次京佳使出其36F「胸器」為賣點出戰，透過多款不同類型的三點式泳衣，展示其大膽性感一面，力證其「童顏巨乳」稱號絕非浪得虛名。京佳甚至表示其父親看過寫真後都「心情複雜」，阿哥就大讚「正」，可見性感程度具一定震撼力，她更揚言八月再來港與一眾寫真女正面交鋒，誓必掀起一場「廝殺」。

唔Sell身材誘仔撩

雖然大敵當前，但鄧詠雪仍充滿信心，認為自己的市場定位十分正確，有一定捧場客：「我一向唔係Sell身材，好滿意自己個身形，唔覺得冇身材係一個缺點。平胸有平胸嘅好處，好似着衫好睇啲啦，做運動又冇咁辛苦。」鄧詠雪坦言明白不少男士比較喜好身材豐滿的女仔，但她對自己亦有一定信心：「我哋個Target Market係對美人魚有興趣嘅女生，同埋一啲真係鍾意去旅行嘅朋友。拍攝嗰時都被好多男士包圍，仲叫一齊游水，真係好開心！」鄧詠雪亦大方讚對手們的寫真說：「當然佢哋影嘅寫真都一定好靚同好惹火，有一定吸引力，但同我嘅風格有所不同。」

文：專案組